Julen Kaltzada (Busturia, 1935) euskaltzale eta AEK-ko kide historikoari elkarrizketa egin zioten atzo Berria -n Igandea gehigarria, eta Egunkaria auzia izan zuten hizpide.
Egunkaria Sortzen plataforma osatu zuten 75 euskatzaleetako bat izan zinen.Egunkaria auziko epaiketatik zer espero duzu?
Batek daki, hori ez dagoelako justiziarekin lotuta, agintzen duten politikariekin baino, eta interesatzen zaien justizia egingo dute, nahiz eta mundu guztiak jakin justizia hori benetako injustizia dela eta injustizia hori egiten ari direnak merezi dutela zigorra. Baina Egunkaria -koek, merituaren ordez, zigorra jasoko dute, eta besteek, zigorraren ordez, meritua.