«Egunkari baten itxiera beti da albiste txarra». Hala dio asteleheneko El País egunkarian David Trueba idazle, kazetari eta zinemagile espainiarrak Euskaldunon Egunkaria-ren itxierari eta epaiketa gogoan duela.
Gaiaren inguruko «alarma pizteko moduko datu eskasia» mintzagai hartuta, Egunkaria auzia-k izandako espazio informatiboa zalantzan jartzen du Truebak: «Baldintza normaletan, kasu honek espazio informatibo ikaragarria hartuko zukeen». ETArekin lotzearekin bat «aterki informatiboa» zabaldu dela deritzo, ordea: «Zuzentasun morala duen herritar orok du dagoeneko terrorismoak esan nahi duenaren berri, eta ez du behar informatzeko garaian inoren zaindaritzarik».