Donostiako Parte Zaharrean egindako Kantu Jira berezi eta jendetsuarekin hasi dira Egunkaria-ren itxieraren bosgarren urteurreneko ekitaldiak. Hilabete bakoitzeko hirugarren larunbatean bildu ohi dira Donostiako Parte Zaharrean kantuan egiteko eta, atzo, Egunkaria-ren aldeko ekitaldi berezia zenez, ohi baino jendetza handiagoa bildu zen. Egunkaria-ko hainbat auzipetuk ere hartu zuen parte Kantu Jiran, hala nola Joan Mari Torrealdaik, Txema Auzmendik, Xabier Oleagak, Ainhoa Albisuk eta Mikel Sorozabalek.
Egunkaria-ren aurkako operazioa eta auzibidea salatzeko ekitaldi nagusia Andoaingo Martin Ugalde Kultur Parkean egingo da datorren asteazkenean, itxieraren bosgarren urteurrenaren egunean, 11:30ean. Andoaingo ekitaldi nagusiaz gain, beste hainbat lekutan ere ekitaldiak antolatu dituzte, Egunkaria libre! goiburuarekin. Elkarretaratzeak egingo dituzte, esate batera, Bilbon, Iruñean, Baionan eta Euskal Herri osoko hamaika herritan. Bartzelonan ere elkarretaratzea egingo da asteazkenean, 20:00etan, Sant Jaume plazan.
Testua: BERRIA, 2008-02-17
Egia balirudike ere
gezurra litzateke;
gezurra badirudi ere
egia izan daiteke
Comment by ainara — 2008(UTC)k2008 otsailaWed, 20 Feb 2008 08:45:41 +0000UTC2 20(am) @ 8:45