‘Egunkaria auziko’ tortura salaketak ikertzeko eskatu du Gipuzkoako Batzar Nagusietako talde mistoak

2010, ekainak 24

Gipuzkoako Batzar Nagusietako Aralarko, Ezker Batuko eta Alternatibako ordezkariek, alegia talde mistoak, erdi bideko zuzenketa egin dio bere garaian Aralarrek berak Egunkaria auziari buruz aurkeztutako ebazpenari. Fiskal nagusiari atxilotuek salatu dituzten tratu txarrak eta torturak ikertzeko eskatzea proposatu diete Gipuzkoako Batzar Nagusiei, auziaren epaiak «oso sinesgarritzat» jo dituelako.

Gisa berean, auzi horretako instrukzio epaile Juan del Olmori espediente bat irekitzeko ahalak egitearen alde agertu dira. Haien ustez, Botere Judizialaren Kontseilu Nagusiak ikertu beharko luke diziplina edo zigor arloko erantzukizunik izan ote duen.

Auzipetuen absoluzioarekin poztu diren arren, hiru alderdiek ezinbestekotzat jo dute izan dituzten kalte moral eta ekonomikoak ahal den neurrian ordaintzea.

Iruzkinik ez »

No comments yet.

RSS feed for comments on this post. | TrackBack URI

Leave a comment

(XHTML etiketa hauek erabil ditzakezu): <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> .

; ?>