20:00etan, Baigera aretoan. Egunkaria-ko azpeitiar langile ohiek antolatu dute.

Xabier Lekuona (more…)

Arratsaldeko bost eta erdiak, eta ehundik gora lagun daude Kursaaleko atarian, ilaran, barrura sartzeko zain. Ez du bero handirik egiten, baina ez dirudi axola zaienik. Gogotsu dago jendea, baina ez bakarrik musikariak ikusi eta entzuteko, baita Egunkaria-ren kontra egiten ari direna salatu eta auzipetuei babesa eta elkartasuna adierazteko ere. (more…)

Egunkaria-ren epaiketaren aurkako eta auzipetuen aldeko manifestazioa izango da abenduaren 19an (larunbata), Bilbon. Auzipetuek egin dute manifestazioaren deia, Donostian Kursaalean egindako musika jaialdi handian. Adierazpen osoa (more…)

Kantuz agertu dute Egunkaria auziko-auzipetuen aldeko elkartasuna Donostiako Kursaalean batutako ia bi mila lagunek. Kantu batean, eta umore onean, baina auziak sortzen dien kezka ezkutatu gabe. Espainiako Auzitegi Nazionalean abenduaren 15etik aurrera epaituko dituzte sumario nagusiko auzipetuak -Joan Mari Torrealdai, Iñaki Uria, Martxelo Otamendi, Txema Auzmendi eta Xabier Oleaga-, eta hara joateko indarrez hornitu ziren atzo. Kursaala gainezka jarri zutenek emandako indarrez. Gogotsu agertu zen jendea, eta bero zen giroa.

Argazki bilduma (more…)

19:00etan.

20:00etan, Atxulondo Kultur Etxean.

19:00etan, Kultur Etxean.

Euskararen Gizarte Erakundeen Kontseiluak Egunkaria-ren aurkako epaiketa salatzeko eta auzipetuei elkartasuna adierazteko elkarretaratzeak deitu ditu abenduaren 11rako. Euskal Herriko hiriburuetan egingo dituzte bilkurak, 12:00etatik aurrera. (more…)

Dozenaka lagun elkartu dira Baionako herriko etxe aurrean, Egunkaria-ko auzipetuen aurkako auziaren salatzeko eta auzipetuei sostengua adierazteko. Kultura, politika, gizarte eta ekonomia arloko hainbat eragile hurbildu dira beren sostengua adieraztera. Zuberoa, Nafarroa Beherea eta Lapurdi, hiru lurraldeetako herritarrak bilduak ziren Egunkaria libre! pankartaren gibelean.

(more…)

Egunkaria auziko epaiketa abenduaren 15ean hasiko dela jakitearekin batera, elkartasun mezua helarazi diete akusatuei alderdi abertzaleek. Auzia behin betiko ixtea eskatu dute Aralarrek, EAk, Batasunak eta Gipuzkoako Batzar Nagusietako EAJ zein Hamaikabat taldeek. (more…)

Egunkaria auziko bost akusatuak errugabeak direla erakusteko ezingo du nahi adina froga aurkeztu defentsak epaiketan. Espainiako Auzitegi Nazionaleko 1. zigor salak ez ditu onartu defentsak aurkeztutako lekukoen laurdenak ere. 70 lekuko proposatu zituen defentsak, eta haietatik hamasei onartu dizkiote; beste era batera esanda, hamarretik bi. AVT eta Dignidad y Justicia akusazioei, bestalde, berrogeitik gora lekuko onartu dizkiete. Guardia Zibilak dira gehienak. (more…)

Rojev kurduen egunkarian elkarrizketa egin berri diote Egunkaria auzia-z Urtzi Urrutikoetxea Berria-ren berriemaileari. Hemen topa daiteke elkarrizketa.

Egunkaria auziko bost auzipetuen defentsak ez du zalantza izpirik: auzipetuei dagozkien gertaeretan ez dago inolako deliturik eta, ondorioz, absoluzioa ebatzi beharra dago. Hori da Felix Cañada, Jose Mari Elosua, Iñigo Iruin eta Ignacio Pelaez abokatuek aurkeztutako defentsa idatziaren ondorio nagusia. (more…)

Abenduaren 15ean hasiko da Euskaldunon Egunkaria-ren itxierari buruzko epaiketa. Madrilen izango da, Espainiako Auzitegi Nazionalean. Egun hartan (asteartea) goizez eta arratsaldez egingo dituzte saioak auzitegian, eta hurrengo egunean jarraituko dute, goizez. Ondoren, urtarrilera arte atzeratuko dute -epaimahaiak ez du egunik zehaztu-. Oraingoz, epaiketan zenbat lekuko egongo diren ez dute publiko egin. (more…)

Egunkaria-ko azpeitiar langile ohiek Egunkaria-ren aurkako epaiketari buruzko atala zabaldu dute www.uztarria.com herriko webgunean: www.uztarria.com/egunkaria-epaiketa. Azpeitian abiatu duten kanpainaren barruan kokatu dute ekimen informatibo hori. (more…)

Egunkaria-ko auzipetuentzako elkartasun mezuak ugaritzen ari dira azken egunetan, eta azkena Argentinatik iritsi da; Buenos Airesko Eusko Kultur Etxeak eta Euskaltzaleak antolatutako ekitalditik, hain zuzen ere. Hitzaldia eman zuen astelehenean Mikel Sorozabal auzi ekonomikoko auzipetuaren aitak -Joseba Sorozabalek; argazkian, hizketan mahaian, Buenos Airesen-.

(more…)

Txiki geldituko da, baina entzun, entzungo da Egunkaria libre! aldarrikapena. Hots kaxa bihurtuko da Donostiako Kursaala larunbatean. Bertan parte hartuko duten musikariek jarriko dute doinua, eta ikus-entzuleek hitza. Hamabi abesti ezagun, edonork noizbait abestu dituen horietakoak. Hamabi abesti, helburu argi batekin: Egunkaria-ren aurkako auzia salatu eta auzipetuei elkartasuna adieraztea. (more…)

Joan Puigcercos ERCko lehendakariak Egunkaria auzia aipatu zuen igandean Berria-n, Esana da erraz, eta egiteko garratz iritzi artikuluan. (more…)

Maialen Lujanbio, Arkaitz Estiballes, Jon Martin eta Beñat Gaztelumendi bertsolariek Egunkaria auzia hizpide izan dute Bertsolari Txapelketa Nagusian, bideo honek jasotzen duen bezala.

(more…)

Lorena Lopez de Lacalle Arabako Foru Aldundiko Euskara eta Kultura diputatuak bere babesa eman zien lehengo astean, prentsaurreko batean, Egunkaria-ko auzipetuei.

(more…)

«Hiltzaile bat bezala / hemen naramate; / bi eskuak loturik, / mundutik aparte; / errurik ez dudala / azaldu nahi nuke. / Egia nahi dunantzat / emana dut merke». Julen Lekuonaren kantua ez dago hilero-hilero Donostian Kantu Jira egiten dutenen ohiko errepertorioan. Larunbatean, ordea, bai. Kantu jira Euskaldunon Egunkaria itxi izana salatu eta auzipetuei babesa emateko baliatu baitzuten, Egunkaria libre! lelopean.

(more…)

Azpeitiko Udalak (Gipuzkoa) antolatuta, Egunkaria-ren aldeko ardo dastaketa jendetsua egin zuten larunbatean, herriko plazan. Aurreikusi baino jende gehiago izan zen, baso guztiak bukatu zirelako.

(more…)

2003ko otsailaren 20eko gauean “hotz” egiten zuen. Xehetasun guztiak gogoan ditu Iñaki Uriak; miaketak, torturak… “Tsunami” hark zarauztarraren bizitza zeharo aldatu zuen. Gauzak “lehenbailehen” amaitzea besterik ez du nahi. (Elkarrizketa egin dio Noticias de Navarra egunkariak; kazeta berak …y las pruebas siguen sin aparecer artikulua ere egin du. (more…)

Egunkaria-Epaiketa taldeak kontu korronte hauek zabaldu ditu auzipetuei epaiketako gastuak kubritzen laguntzeko:

– Euskadiko Kutxa: 3035 0060 44 0601133378

– Kutxa: 2101 0001 11 0012515680

– BBVA: 0182 0300 19 0201548683

Den era 500.000 euro beharko direla diote. (more…)

Toni Strubell idazleak eta Carles Mora Arenys de Munteko alkateak (Bartzelona, Herrialde Katalanak) Kataluniako egoera politikoa aztertu zuten asteazkenean Andoainen (Gipuzkoa), Martin Ugalde Foroan, eta hitzaldiaren ondoren BerriaTBn Egunkaria auzia salatu zuten biek.

(more…)

Mikel Sorozabal Egunkaria-ko auzi ekonomikoko auzipetuaren aitak —Joseba Sorozabalek— hitzaldia emango du astelehenean Argentinan, Buenos Aires hiriburuan. (more…)

1.806 sarrera jarri zituzten salgai hilaren 13an Egunkaria libre! kontzerturako, eta denak dagoeneko agortu dira. Donostian izango da jaialdia, azaroaren 28an, Kursaalean (19:00), hainbat musikari ezagunen parte-hartzearekin. (more…)

Larunbat honetan izango da IV. Ardo Dastaketa Eguna Azpeitian (Gipuzkoa), Udalak antolatuta, eta aurtengoa Egunkaria-ren aldekoa izango da. 28 upategik hartuko dute parte, baina upategi bakoitzak ardo marka bat baino gehiago jarriko ditu dastatzeko moduan. Guztira, 38 ardo desberdin. 11:30etik 14:30era bitartean izango da, plazan.

(more…)

Arratsaldeko 19:30etatik aurrera Oñatiko plazan Egunkariaren aldeko kantaldia egingo dute.

Joan Mari Torrealdai Egunkaria-ko auzipetuak urriaren 31n egin zuen Euskaltzaindiako sarrera hitzaldia, Foruan (Bizkaia), eta auzia hizpide izan zuten Igor Duñabeitia Foruko alkateak, Andres Urrutia euskaltzainburuak eta Jose Antonio Arana Martija euskaltzainak. (more…)

Ostiral gauean Egunkariaren aldeko mus txapelketa egingo dute Azpeitiko Gaztetxean.

Eguerdiko 12:00etan Donostiako Trinitate plazan hasita Egunkariaren aldeko kantu jira egingo da.

Egunkariaren aldeko ardo dastatzea izango da Azpeitian eguerdiko 11:30etik aurrera. Bertan Egunkariaren aldeko materiala ere izango da salgai.

Arratsaldeko 20:00etatik aurrera Baionako Patxoki elkartean Imanol Muruak eta Joanmari Larrartek hitzaldia emango dute.

Arratsaldeko 19:00etatik aurrera Joanmari Torrealdaik hitzaldia emango du Usurbilgo Sutegi kulturetxean.

Arratsaldeko 20:00etan Hernaniko Biteri Kultur etxean, Egunkariaren aldeko batzordea sortzeko bilera egingo dute.

2003ko otsailaren 20an Espainiako Auzitegi Nazionalak Egunkaria itxi zuenean, Donostiako Parte Zaharrean ekimen bat sortu zuten: kantuz salatuko zuten euskarazko kazetaren itxiera, eta hala emango zieten babesa auzipetuei. Harrezkero, hileko hirugarren larunbatero, kantuan jardun dute Parte Zaharrean, ez diote -jakina- beti eman aipatutako izaera, baina orain berriro bai, laster hasiko baita Egunkaria-ren aurkako epaiketa. Hala, larunbat honetako saioa horri buruzkoa izango da. 12:00etan hasiko da, Egunkaria libre! lelopean, eta elkarretaratzea egiteko asmoa ere badute. (more…)

Egunkaria-ko itxierari buruzko bost auzipetuak elkarrizketatu ditu BerriaTBk, eta epaiketaren garaian eskainiko ditu, banan-banan, Berria.info-n. Auziaz baino gehiago, euskalgintzan, kulturgintzan eta euskal hedabideetan egindako ibilbideaz aritu dira Joan Mari Torrealdai, Iñaki Uria, Txema Auzmendi, Martxelo Otamendi eta Xabier Oleaga auzipetuak; pasadizo eta istorio ugari izango da entzungai. Argazkian, Otamendi, Andoainen, BerriaTBrako egindako elkarrizketan.

(more…)

Idoia Mendia (PSE-EE) Eusko Jaurlaritzako bozeramaileari egindako elkarrizketa argitaratu zuen atzo Berria-k, eta Egunkaria auzia izan zuten hizpide, besteak beste. Egunkaria bezala “prozesu luzeek” -2003ko otsailean itxi zuen Espainiako Auzitegi Nazionalak- “pertsonei kalte” egiten dietela iritzi dio Mendiak. (more…)

Euskal Herriko hainbat lagun ezagunek “berebiziko” ekimen bati ekin diote: Egunkaria-ko auzipetuekiko “elkartasunez” dirua biltzeari. Gaur aurkeztu dute egitasmoa; “epaiketa prozesuak sortutako gastu ikaragarriak ordaindu ahal izateko dirua biltzean datza. Kostua, oro har, 500.000 eurokoa izango dela kalkulatzen da”.

(more…)

Ehunen bat lagunek hartu zuten parte Zarautzen larunbatean kantu jiran. Egunkaria auzia salatu zuten. 12:00etan abiatu zen kantu jira, udaletxe aurretik, eta 14:00 aldera amaitu zen, Musika Plazan.

(more…)

Abokatuek, legelariek eta zuzenbide arloko kideek Egunkaria-ren epaiketaren aurkako elkarretaratzea egin zuten ostiralean Donostian, eta auzipetuei babesa eman zieten.

Julen Kaltzada (Busturia, 1935) euskaltzale eta AEK-ko kide historikoari elkarrizketa egin zioten atzo Berria -n Igandea gehigarria, eta Egunkaria auzia izan zuten hizpide. (more…)

Egunkaria auzia zentzugabea dela uste dute hainbat legelarik. Hori salatzeko eta auzipetuei beren babesa agertzeko elkarretaratzea egin zuten atzo zuzenbidearen munduan aritzen diren hainbat lagunek, Donostiako Bulebarrean. Atzoko elkarretaratzean izan ziren batzuei eta izan ez ziren beste batzuei galdera egin die Berria-k, auziaren arlo juridikoari buruz. Auziak oinarri juridikorik ez duela diote galderari erantzun dieten guztiek -denak abokatuak dira-.
(more…)

Abokatuek, legelariek eta zuzenbide arloko kideek Egunkaria libre! lelopean bilkura egin dute gaur, Donostian. Bulebarrean izan da, 13:00etatik aurrera, eta han egon dira, besteak beste, Iñigo Iruin, Jose Mari Elosua, Miguel Castells, Iker Sarriegi, Aiert Larrarte, Fernando Olalde, Felix Cañada, Luix Barinagarrementeria, Xabier Gurrutxaga, Jose Angel Arbelaitz, Jose Luis Rezabal, Julen Arsuaga… (more…)

Egunkaria-ren epaiketaren aurkako emanaldia azaroaren 28an izango da, Donostian, eta hainbat musikari ezagun ariko dira.

Larria da egoera. Espetxera joateko aukera asko dituzte Egunkaria auzia-n epaituko dituzten bost lagunek. Hala agertu du Martxelo Otamendik, Egunkaria-ko zuzendari ohiak eta auzipetuetako batek, Donostiako Irakasle Eskolan emandako hitzaldian. (more…)

Ostiralean arratsaldeko 21:00etatik 21:30etara Antzerki Topaketen barruan, Izarraitz frontoian Egunkariaren aldeko materiala egongo da salgai.

Ostiralean iluntzeko 19:00etatik 21:00etara udaletxe azpian Egunkariaren aldeko materiala egongo da salgai.

Carmen Lamarca Perez abokatu eta Zuzenbide Penaleko irakasleak Egunkaria auzia-ren absoluzioa eskatu du Rebelion webean idatzitako iritzi artikuluan. Razones para la absolución de Egunkaria izena jarri dio idatziari, eta euskarazko kazetaren “arma bakarra adierazpen askatasunaren erabilpena” izan dela dio. “Beraz, zuzenbideak eta justiziak benetan elkarrekin bidea egin nahi badute, absoluzioa ematea besterik ez da geratzen”. (more…)

(Joan Mari Torrealdai auzipetua, Iñaki Uria auzipetua, Peio Ospital kantaria eta Martxelo Otamendi auzipetua, gaur, Donostian)

Egunkaria libre! jaialdi handia izango da azaroaren 28an (larunbata) Donostian, Kursaalean, 19:00etatik aurrera: hainbat musikari ezagunen kontzertua. Euskarazko kazetaren epaiketaren aurkako ekitaldia izango da, baita auzipetuei elkartasuna adierazteko ere. Gaur aurkeztu dute emanaldia, Donostian, eta Peio Ospital kantariak azpimarratu du ekitaldia “ekonomikoki laguntzeko” ere izango dela. (more…)

Egunkaria-ko auzipetu batzuen senideak izan zituzten lehengo larunbatean Euskadi Irratian, Amarauna saioan, auziaz hitz egiteko. 26 minutuko solasaldia izan zuten. Mila Otamendi (Martxelo Otamendiren arreba), Garazi Torrealdai (Joan Mari Torrealdairen alaba) eta Gemma Ajesta (Xabier Oleagaren emaztea) aritu ziren. Hemen klikatuta entzun daiteke saioa. (more…)

Arratsaldeko 20:00etatik aurrera Beasaingo udaletxeko batzar aretoan Egunkariaren aldeko batzordea bilduko da.

Martxelo Otamendi Egunkariako auzipetuak hitzaldia emango du Getxoko Karitatea kaleko Aldai Patronatuan arratsaldeko 19:30etatik aurrera.

Egunkaria-ren aldeko jaia egin zuten larunbatean (azaroaren 7an) Donostian, Antigua auzoan: kantu-jira izan zen, bertsolariak… Bertan egon ziren bi auzipetu: Martxelo Otamendi -kazetaren itxierari buruzko kasuko auzipetua- eta Mikel Sorozabal donostiarra -auzi ekonomikoan inplikatua-.

Maialen Lujanbiok Egunkaria-ren itxiera izan zuen hizpide azaroaren 7an Bergaran, Txapelketa Nagusiko finalaurrekoetako lehen saioan. Hemen haren bertsoak:

Larunbatean, eguerdiko 12:00etan  udaletxe aurretik abiatuta Egunkariaren aldeko kantu jira egingo da. Kantu jira, eguerdiko 14:00ak aldera Musika Plazan amaituko da.

Martxelo Otamendi Egunkariako auzipetuak hitzaldia emango du Donostiako Magisteritza eskolan eguerdiko 12:30etatik aurrera.

Egunkaria auzia ulergaitza da, Ruper Ordorikaren erranetan. «Sinbolikoki» bada ere desadostasuna erakustea beharrezkotzat jotzen du, joera bat dagoelako disidentea den guztia auzipetzeko, haren ustez. Hainbat musikari, abeslari eta diskoetxe bezala, auzipetuei elkartasuna erakutsi nahi izan zien atzo eguerdian, Donostiako Bulebarrean Egunkaria Libre! lelopean egin zen elkarretaratzean. (more…)

«Beste ahalegin bat» eskatu zuen atzo Joan Mari Torrealdai Egunkaria auziko auzipetuak. 2003ko otsailaren 22an, Egunkaria-ren itxiera salatzeko Donostian egin zen manifestazioaren argazkia ekarri zuen gogora. «Hark erakutsi zuen euskarak herri hau batzen duela». Eibarren eman zuen hitzaldia atzo, Arrate kultur etxean. (more…)

Denbora pasatu ahala gero eta gehiago dira Euskaldunon Egunkaria-ren itxiera salatzeko eta auzipetuei elkartasuna erakusteko egiten ari diren ekimenak, eta, hemendik aitzinera, are gehiago izanen dira. Gaur Eibarren, Sopelan eta Tolosan ekimenak egongo dira. (more…)

Ugaritzen ari dira han eta hemen Egunkaria-ren epaiketaren aurkako eta auzipetuen aldeko ekimenak. Usurbilen (Gipuzkoa), kasu, kantu-jira egin berri dute. Auzipetuetako bat Usurbilen bizi da: Joan Mari Torrealdai (Forua, Bizkaia; 1942). (more…)

Musikariek, diskoetxeek eta abeslariek, Egunkariako auzipetuei elkartasuna adierazteko elkarretaratzea egingo dute eguerdiko 12:00etatik aurrera Donostiako Bulebarrean.

Goizeko 11etatik aurrera Donostiako Antiguo auzoan egunkariaren aldeko jaialdia egingo dute.

Arratsaldeko 19:30etatik aurrera Egunkariaren aldeko herri batzordea sotzeko bilera irekia egingo da Biteri kultur etxean.

Arratsaldeko 20:00etatik aurrera Egunkariaren aldeko Tolosako herri batzordea sortzeko bilera irekia izango da kultur etxean.

Arratsaldeko 20:00etatik aurrera Beasaingo kultur etxeko bilera gelan Beasaingo Herri Batzordearen bilera irekia izango da.

Joan Mari Torrealdaik Egunkariako auzipetuak hitzaldia emango du Eibarko Arrate kultur etxean arratsaldeko 19:00etatik aurrera.

Iñaki Uria Egunkariako auzipetuak arratsaldeko 19:30etatik aurrera hitzaldia emango du Sopelako Kurtzio kultur etxean.