Asteazkenean Zarauzko (Gipuzkoa) ohiko udalbatzarrean Egunkaria auzia-z bi mozio aurkeztu zituzten, eta EAJ eta EB-Aralarrek aurkeztutako gaitzespen mozioa onartu zuen, EAJ, Hamaikabat eta EB-Aralarren aldeko botoekin -ezker abertzalea ere alde azaldu zen-. PPk eta PSE-EEk ezezkoa eman zioten. Bestalde, PSE-EEk mozio alternatiboa aurkeztu zuen; udalbatzak ez zuen onartu, ordea. Hamaikabat, EAJ eta EB-Aralar alderdiek ezezkoa eman eta PP abstenitu egin baitzen. (more…)

Egunkaria libre! deiadarra entzun zen atzo eguerdian Iruñeko udaletxe plazan. Udazkeneko egun sargorian, elkartasuna agertu zieten Egunkaria aferako bost auzipetuei han bildutako Nafarroako politika, gizarte eta kultur arloko eragileek zein herritar soilek. Auzipetuen izenean, Martxelo Otamendi eta Iñaki Uria izan ziren Iruñean. «Auzipetuei elkartasuna erakustera etorri gara hona, eta gure protesta adieraztera horrelako desmasia bat egiteagatik. Adierazi nahi dugu, gainera, gaur egun oraindik hemen nola dauden adierazpen askatasuna eta oro har gure askatasunak», laburbildu zuen Xabier Letona Argia-ko zuzendariak. (more…)

Goizeko 11:30etatik aurrera Egia auzoko Eizmendi Burdindegiaren aurrean Egunkariaren aldeko materiala egongo da salgai.

Arratsaldeko 19:00etatik aurrera Zumaiako Erribera kalean Egunkariaren aldeko materiala egongo da salgai.

Sarako Atxuri urdin taldeak deituta arratsaldeko 14:00etan Egunkariaren aldeko elkarretaratzea Kiroldegiaren aurrean.

Arratsaldeko 19:00etatik aurrera bilduko da Egunkariaren aldeko taldea, Gaztelekuan.

Arratsaldeko 20:00etan Beasaingo udaletxeko areto nagusian, Egunkariaren aldeko herri batzordearen bilera izango da.

1990eko abenduaren 23a, Bilbo, Araba-Bizkaiko Bertsolari Txapelketako finala, eta Bernardo Mandalunizek Egunkaria sortu berriari buruz (abenduaren 6an sortu zen) jarri zion gaia Igor Elortzari. Honek, bertso baten bukaeran:

“(…) Bat badaukagunez orain gurea ta herriko / jaio baldin bada hiltzen ez dugula utziko“.

15 urte besterik ez zituen Elortzak (more…)

Aste batzuk barru da hastekoa Egunkaria-ren kontrako epaiketa Espainiako Auzitegi Nazionalean -ez dute zehaztua eguna-, eta Euskal Herriko hainbat herritan batzordeak eratu dituzte, auzipetuei babesa emate aldera eta epaiketa bera salatzeko.

Azkeneko asteetan hainbat bilera egin dituzte herrietan, eta dagoeneko hasi dira hitzaldiak antolatzen, bonoak saltzen…

Ostiral honetan Iruñean elkarretaratzea izango da, Egunkaria libre! lelopean. 12:00etan hasiko da, Udaletxe plazan.

Egunkaria-ko langile izandakoak ere mobilizazioak prestatzen dabiltza.

Iruñean ere egingo da Egunkaria libre! lelopean elkarretaratzea. Bilkura irekia izango da.- Eguna: urriak 30 (ostirala).- Ordua: 12:00.- Lekua: Udaletxe plaza.

Fito Rodriguez (Euskal Idazleen Elkarteko lehendakaria), Hasier Etxeberria, Joxe Austin Arrieta, Xabier Mendiguren (Elkar argitaletxea), Karmele Jaio, Mariasun Landa, Jorge Gimenez (Alberdania), Jose Mari Esparza (Txalaparta), Joan Mari Irigoien, Juan Luis Zabala, Gotzon Barandiaran, Joxean Agirre, Aizpea Goenaga, Eider Rodriguez, Xabi Borda, Gorka Arrese (Susa), Uxue Alberdi, Olatz Osa (Elkar), Joxe Mari Sors (Elkar), Peio Etxaburu (Pamiela), Jon Alonso, Angel Rekalde… eta beste hainbat idazle eta argitaletxeetako ordezkari izan dira gaur Donostian, Egunkaria-ren epaiketaren aurkako elkarretaratzean. (more…)

Egunkaria-ren auzi nagusiko epaiketa azaroan da hastekoa, eta epaiaren nondik norakoen berri emateko, hitzaldia eman zuten asteazkenean Martxelo Otamendi eta Txema Auzmendi auzipetuek Agurainen (Araba). Aurrerantzean ere hitzaldi gehiago emango dituzte auzipetuek, han eta hemen, epaiketa hasi bitartean. (more…)

Larunbatetik aurrera, lehenaz gain, bertsolarien eta bertsoaren inguruko hainbat jenderen atxikipena eta elkartasuna ere badute Egunkaria auziko auzipetuek. Egunkaria libre! leloarekin inprimaturiko pankartari eusten bertsolari ugari, makina bat esku. Eta haien atzean beste hainbat bertsolari, bertsozale eta beste hainbat herritar ere. Guztiak ere Euskaldunon Egunkaria-ren itxieraren harira egingo den epaiketa salatzeko eta auzipetuei euren elkartasuna adierazteko. Plaza bete dute, besteak beste, Andoni Egaña, Maialen Lujanbio, Mikel Mendizabal, Beñat Gaztelumendi, Arkaitz Estiballes, Sebastian Lizaso, Igor Elortza, Jon Martin, Jexux Mari Irazu eta Ainhoa Agirreazaldegi bertsolariek, Iñaki Murua Euskal Herriko Bertsozale Elkarteko lehendakariak, Joxerra Gartzia idazle, irakasle eta bertso munduko pertsona ezagunak eta Joan Mari Irigoien idazleak. (more…)

“Ba al zenekien Estatu Espainiarrean botere publikoek egunkariak itxi egiten dituztela? Hori da Egunkaria egunerokoaren kasua”. Egunkaria auzia-ren berri ematen duen informazioa banatu du Egunkaria-ren aldeko plataformak Madrilen. Atzo bertan sortu zuten babes talde hori, askatasunen murrizketa salatzeko eta auzipetuei elkartasuna adierazteko asmoz.

Plataformak dio euskarazko kazeta ixtearen eta honen zuzendaritzako kideen aurkako akusazioen kontra dagoela, “adierazpen askatasuna ukatu eta informazio aniztasunaren aurka eraso egiten delako”. Era berean, gogora ekarri du euskararen eta euskal kulturaren aurkako erasoa dela, euskaldunei berezko komunikabideak izatea ukatzen zaielako. Auzipetuek jasandako torturak “onartezinak” direla ere baderitzo.

Galeusca katalanez, galegoz eta euskaraz lan egiten duten idazleen elkarteak Egunkaria kasua artxibatzeko eskatu du, Arantzazun (Oñati, Gipuzkoa) egindako batzarrean.

“Galeusca Federazioko partaideok adierazpen askatasunaren defentsa aldarrikatu eta hastekotan den Euskaldunon Egunkaria auziaren aurkako epaiketako inputatuei gure elkartasun osoa adierazteaz gain, kasua artxibatzeko eskatzen dugu”, esan du Fito Rodriguez Galeuscako kide eta Euskal Idazleen Elkarteko (EIE) lehendakariak.

Zazpi urte beteko dira Guardia Zibilak ‘Egunkaria’ itxi eta hamar lagun atxilotu zituela. Haietako bost epaituko dituzte laster. Tartean, Txema Auzmendi. Herri Irratiko hogei urteko ibilbidea amaituta, hori da oraintxe haren ‘proiektu’ bakarra. (more…)

EAJko Joseba Egibar eta Nerea Antia legebiltzarkideak; EAko Arabako Aldundiko kultura diputatu Lorena Lopez de Lacalle eta Ingurumen diputatu Mikel Mintegi, bai eta Pello Urizar idazkari nagusia eta Lauren Uria Arabako biltzarkidea ere; Aralarreko Jon Abril koordinatzaileordea eta Mikel Basabe, Aintzane Ezenarro, Dani Maeztu eta Oxel Erostarbe legebiltzarkideak; EAE-ANVko hautetsi Aito Bezares eta Amparo Lasheras eta Iñaki Ullibarri ezker abertzaleko kideak, eta H1!-eko Maria Karrera izan dira gaur, Gasteizen, Egunkaria libre! elkarretaratzean, epaiketaren aurka. (more…)

Argazki bilduma

Eñaut Zubikarai, Mikel Labaka, Mikel Gonzalez, Ion Ansotegi, Mikel Aranburu, Markel Bergara, David Zurutuza eta Imanol Agirretxe Realeko jokalariak, Xabier Jauregi, Zuhaitz Gurrutxaga, Hodei Mendinueta, Oier Larrainzar, Jagoba Beobide, Markel Robles, Eneko Romo eta Iñaki Goikoetxea Real Unioneko jokalariak, Mikel Astarloza Euskaltel-Euskadiko txirrindularia, Oinatz Bengoetxea, Asier Olaizola eta Oier Mendizabal pilotariak, Patxi Jauregi Gipuzkoako Pilota Federazioko presidentea, Ibon Gaztañazpi arraunlari eta entrenatzailea eta Gaizka Garmendia patroia, Martxel Toledo ESAITeko kidea edota Jesus Mari Zamora Realeko jokalari ohia izan dira gaur (urriak 2), Donostian, Egunkaria-ren epaiketaren aurkako eta auzipetuen aldeko elkarretaratzean. (more…)