Luzien Etxezaharreta
Batek zioen «Durango fandango», beste batek aipu «Durangoko hemoglobina». Eta nolaz ez gogoan egun hauetan 1990.eko Azoka ireki zelarik Euskaldunon Egunkaria-k bere lehen zenbakia hor plazaratu zuela, zuri-beltz, itxaropenez betea, askoren ongietorriarekin. Hemeretzi urte beranduago orduko zuzendariak auzipetuak, aurten ere lehendabiziko ikastolen andereñoak gauean argi eremaile izan zirenak omenduko direlarik. Afganistanera milaka soldadu bidaliko dituen Obamak Bake Nobel Saria jasoko duelarik. Nongo munduan bizi al gara? Ez dok Amairuko kantariek duela berrogei «mundu aldrebes hau» salatzen zuten Azokan orduan saltzen ziren disko bakarretan.