Gemma Nierga (Girona, Katalunia, 1965) SER irratiko esataria apirilaren 23an Donostian izan zen La Ventana saioa egiten, eta Berria-k elkarrizketa egin zion; besteak beste, Egunkaria auzia-z hitz egiteko.
Apirilaren 12an Martxelo Otamendi elkarrizketatu zenuen, zabal eta luze.
Elkarrizketa egin izana eskertu zigun, eta arraroa egin zitzaidan. Kazetarion betebeharra da albiste dena elkarrizketatzea, eta une horretan Otamendi albiste zen. Badirudi Egunkaria auziko auzipetuei ez zietela ahotsa ematen beste irrati batzuetan. Hedabide batzuek orban beltz bat jarri zieten.