Iñaki Uria (‘Euskaldunon Egunkaria’-ko kontseilari ordezkaria) (more…)

Iñaki Uria Egunkaria-ko auzipetuaren tortura auzian inputatutako lau guardia zibilei Donostian ahozko epaiketa egiteko erabakia bertan behera utzi du Gipuzkoako Lurralde Auzitegiak, eta auzia Madrilgo instrukzio epaitegi batek har dezan agindu du. Gipuzkoako Lurralde Auzitegiaren erabakia irmoa da eta, horrenbestez, helegiterik ezingo du aurkeztu Iñaki Uriaren abokatuak. (more…)

Zazpi egun egin zituen Fermin Lazkanok atxilotuta. Lehen bost egunak inkomunikatuta Guardia Zibilaren esku, eta gero Soto del Realeko espetxean, bermea ordaintzeko arazoengatik. Otsailaren 29ko Egunero egunkarian argitaratu zen ondorengo elkarrizketa. (more…)

Otsailaren 13a da gaur.

21 urte Joxe Arregi hil zela, torturatua izan ondoren.

Urteurrenarekin bat eginez, Torturaren Aurkako Eguna da gaur Euskal Herrian.
Data honen harira, Torturaren Aurkako Taldeak urteroko txostena argitaratu berri du,
aurten Ezer ez da aldatu poema irakurri duten hainbat lagunen DVDarekin batera.

Tartean dira Egunkaria auziko Martxelo Otamendi, Iñaki Uria, Txema Auzmendi, Xabier Alegria eta Xabier Oleaga, beste hainbat lagunekin batera.

Hona bideoaren laburpena.

www.stoptortura.com

Epaiketaren atarian, egoeraren “larritasuna” agerian jarri du gaur euskalgintzak, Bilbon, eta gizarteari berriro euskarazko kazeta eta euskararen mundua “defenditzeko” dei egin dio. (more…)

Egunkariako langile ohiek batzarra egin zuten pasa den larunbatean Andoainen, eta ‘Gu ere epaituko gaituzte’ izeneko agiria hitzartu zuten. Langile ohiek otsailaren 20an Egunkaria itxi zutenetik bost urte beteko direla gogoratu eta urteurrenaren harira auzipetuei babesa adierazteko ekimenak iragarri dituzte, euskal gizarteari elkartasuna eskatzearekin batera. (more…)

AVT eta Dignidad y Justicia elkarteek, herri akusazio gisa agertuta, Guardia Zibilaren txostenetako argudio guztiak bere egin eta espetxe zigor gogorrak eskatu zituzten Egunkaria-ko itxiera kasuko bost auzipetuentzat. Espainiako Auzitegi Nazionalak, ordea, absoluzio epaia eman zuen 2010eko apirilaren 12an. Auzi ekonomikoan, Dignidad y Justiciak hasieran eta fiskaltzak gero, zigor eskaera handiak egin zituen zortzi auzipetuen kontra; Donostiako Zigor Auzitegiak artxibatu egin zuen kasua 2014ko maiatzean, ustezko delituak preskribatuta jo zituelako, baina fiskaltzak helegitea sartu eta Gipuzkoako Lurralde Auzitegiak kasua aztertu zuen; 2014ko urriaren 14an artxibatu egin zuen auzi ekonomikoa. (more…)

Egunkaria-ko auzi ekonomikoko zortzi auzipetuen apelazio helegitea atzera bota eta auzia Espainiako Auzitegi Nazionalean epaitzea agindu du bertako Penaleko Salak. Egunkaria-ko auzi ekonomikoko defentsak behin eta berriro planteatu izan du, auzi hau, epaitzekotan, Euskal Herriko auzitegiek epaitu beharko luketela. (more…)

Egunkaria auziko sumario nagusiaren zein atal ekonomikoaren egoera juridikoak zertan diren azaldu berri du Iñigo Iruin abokatuak, Durangoko Liburu eta Disko Azokan eginiko mahai-inguruan. Nahasiak izaten dira auzi judizialen tripak. Areago, ustez egindako delituak zein diren argi ez dagoenean. Egunkaria auziaren egoera ulertarazten saiatu zen Iñigo Iruin abokatua, Martxelo Otamendi, Iñaki Uria eta Juan Mari Torrealdai auzipetuekin eginiko mahai-inguruan. Azken egunotan hitzetik hortzera ibili den Botin auziari buruzko ebazpenak Egunkaria auzian izan dezakeen eragina ere azaldu zuen. «Izan dezakeena, ez ezinbestean izango duena»,ohartarazi zuen abokatuak, eta zuhurtziaz aritzeko eskatu. (more…)

Eusko Jaurlaritzako Justizia Sailak antolatuta gatazkei eta informazio askatasunari buruzko jardunaldiak egin ziren Donostiako Miramar jauregian 2007ko azaroaren 5ean.

Itzal handiko jurista talde batek -Kai Ambos (Gottingen-eko Unibertsitatea), Juan Luis Gomez Colomer (Castelloko Unibertsitatea), Luis P. Salas Calero (Floridako Unibertsitatea) eta John Vervaele (Utrecht-eko Unibertsitatea- komunikabideen, itxierari buruzko txostena landu zuten. Besteak beste, Egunkaria’ eta ‘Egin’ legeria urratuz itxi zituztela diote. Honakoa da aurkeztu zuten txostena, osorik (more…)

http://www.youtube.com/watch?v=ey9MKiBuqOM

http://www.youtube.com/watch?v=CIhsPaiz0Ms

Bost eguneko inkomunikazioaren ondoren libre geratu eta espetxe atarian Egunkaria-ko zuzendariak egindako adierazpenak. Torturatu egin zutela jakinarazi zuen. (more…)

(…) Kalabozoa: 2 x 4m. Argia dauka denbora oro. Ateak leihatila, ikus nazaten (ireki itxi). Porlanezko ohea: metro eskas bateko alturako blokea, gaina espumazko koltxoneta zikina. (…) Ematen du bi gela daudela elkarren ondoan, ni naukatena eta aldi berean gehienetan beste galdeketa bat entzuten dena. Hauetaz gain bazegoen beranduago ezagutu nuen beste bat: zigor zeldadeituko zutena. (more…)

(…) Ziegara itzultzean, lasterrera, galdeketa gogor hotsak entzuten ziren. Garrasiak, kolpeak, torturatuen aieneak ematen zutenak… Gau guztian zehar, tarteka. Gau guztian zutik mantendu ninduten, hormaren kontra. Hurrengo egunean zutik egoteaz txikituta nengoen. (more…)

(…) Madrilerako bidaian ez zen kolperik egon. Berehala argitu zidaten eskubideak eta kontu horiek ez zutela ezer balio hortik aurrera, hobe nuela oneandeklaratzea eta Guardia Zibilarekin nengoela, Intxaurrondokoekin, eta beraz, ez nuela irtenbiderik. Hau ez zela izango aurreko beste atxiloketak bezala. Madrilera heltzerakoan, lasaitasunabukatu eta benetako atxilotze garaia hasiko zela.Ondoan, eskuinean neukan guardia zibilak behin baino gehiagotan Madrilen txikitukoapurtuko ninduela mehatxatu zidan. Bidaia osoan kaputxa bat jarri zidaten. (more…)

Bihar beste pausua egingo da Euskaldunon Egunkariaren aurka zabaldutako auzibidean. Horren aurrean eta une honetan, Eusko Jaurlaritzak zera adierazi nahi du:

Bi urte eta bederatzi hilabete pasa dira kazetaren itxiera prebentibotik. Denbora luze hori igaro arren, egun ez dago inongo frogarik hartu ziren erabaki haiek oinarritzeko. Auzibidean ez da ezer berririk lortu akusazioak frogatzeko. (more…)

International PENeko Ordezkarien Asanbladak, bere 71. Nazioarteko Kongresuan, 2005eko ekainaren 14-21ean Bled-en, Eslovenian bildurik,

Gogoratuz 70. Kongresuan Tromson (Norvegia) 2004ko irailean onartu zen Espainiari buruzko ebazpena,

Sakonki arduratuta ebazpenean adierazitakoaren gainean ez baita aurrerapenik izan, ez euskaraz argitaratu Egunkaria-ren kontuan, ezta beraren zuzendaria zen Martxelo Otamendiren eta egunkarirako lanean ziharduten beste langileen kasuan ere, (more…)

Egunkariaren Babes Taldearen aurkezpenean bildu garenok ikuspegi juridiko batetik gure kezka azaldu beharra daukagu: (more…)

Egunkariaren Alde Elkartearen Babes Taldea osatzen dugunon adierazpen hau hasteko, Bitoriano Gandiagaren poema bat datorkigu gogora: “Esperantzari leiho bat / zabaldu omen diote / bizi al ote den / ikusteko ere”. Ez da gauza handia bere horretan esperantza, baina horixe da une honetan geratzen zaigun bakarrenetakoa. Oraindik ere posible baita aldrebeskeria hau behingoz amaitzea, eta itxaropenari eusten diogu, beraz, ez dutela auzipetuekin jolastuko katuak saguarekin bezala, ez dituztela zokoratuko salaketa burugabeekin. (more…)

“EUSKALDUNON EGUNKARIAREN” ITXIERA BERTAN BEHERA UZTEAREN ETA HIRITAR EUSKALDUNEN ADIERAZPEN ASKATASUNA ETA INFORMAZIO ESKUBIDEA ERRESPETATZEAREN ALDEKO ADIERAZPENA. (more…)

Nola izan zen atxiloketa?

Bakarrik nengoen gaueko 01:15 inguruan, lotan. Tinbre hots eta danbateko artean neronek ireki nuen atea. Guardia zibilak ziren. Etxea miatu eta eskuburdinez besoak bizkarrean Andoainera eraman ninduten, burua estalita. Handik Intxaurrondora, uste dut, eta handik Madrilera. Intxaurrondotik Madrilerako bidean hasi zen galdeketa, modu onean. Lagun giroa sortu nahi dizute eskuburdinez lotuta eta begiak estalita zoazela. Surrealista zen, zinera joango bagina bezala. Baina etengabe galderak. Nolakoa zaren ikertzen dute lauzpabost ordu horietan, zure erreakzioak, dena apuntatzen dute. (more…)

Euskal Herritik kanpo kataluniarrak izan dira Egunkaria-ren itxieragatik protesta gehien egin dutenak. Guardia Zibilak Egunkaria-ren kontrako operazioa egin zuen egunean bertan Herrialde Katalanetako 23 elkartek manifestu bat sinatu zuten Egunkaria-ren itxiera adierazpen askatasunaren eta informazio eskubidearen kontrako eraso bat zela esanez. Hortik abiatuta, Egunkaria-ren aldeko kanpaina batean parte hartzeko prest leudeken guztiak batzar batera deitu zituzten otsailaren 26an, eta hortik sortu zen Plataforma per l’Egunkaria.

Ekitaldi andana antolatu ditu Herrialde Katalanetako 75 elkarte politiko, sozial, kultural eta sindikal batzen dituen plataforma horrek: protesta ekitaldiak, harreman instituzionalak, hitzaldiak, kontzentrazioak…. Baina guztien artetik bat nabarmentzen da: Sant Jordi egunean, apirilaren 23an, Egunkaria katalanez publikatu zuten. Egunkaria Endavant mantxetarekin 30.000 ale banatu zituzten.

Zeri buruz galdetzen zizuten?

Ia dena Egunkaria-ri buruz. Egunkaria-n omen zegoen ETAren ordezkariaren izena ematea nahi zuten. Esan nien nekiena esango niela, ez beraiek entzun nahi zutena: ez zegoela ETAren ordezkaririk, erabakiak geuk hartzen genituela, Egunkaria ezker abertzale ingurutik sortu arren irekia eta zabala zela… Joxemi Zumalabe eta Joseba Jaka aipatu nizkien, eta esan zuten hildakoak bakean uzteko, bizirik zeudenen izenak nahi zituztela. (more…)

Egunkaria-ren sorreran, 1990. urtean, funtsezkoak izan ziren Herri Batzordeak. Guztira 185 batzorde sortu ziren, 143 herritan. 3.000 lagun inguru aritu ziren euskarazko egunkaria kalean jartzeko dirua lortzen, egitasmoa ezagutarazten… Haien lanari esker lortu ziren Egunkaria argitaratzen hasteko ezinbestekoak ziren 300.000 euroak (orduko 50 milioi pezeta / 2 milioi libera).

Juan del Olmo Espainiako Auzitegi Nazionaleko epaileak Egunkaria itxi eta berehala hasi ziren lanean Herri Batzordeak, guztiz beren kasa zenbait kasutan eta Egunkaria-ko lan taldeak berak bultzatuta beste hainbatetan. Sustraietara itzuli zen berriro ere proiektua. Aspaldi ikusi ez bezalako mugimendua eragin zuen herrietan Egunkaria-ren ixteak. Gasteiz, Baiona, Zarautz, Iruñea, Miarritze, Durango, Getxo, Tutera, Arrasate… Ezinezkoa litzateke hemen denak aipatzea; ekimena abiatu eta hilabetera, ehun herri batzorde baino gehiago ari ziren lanean. Funtsezkoa izan den lana egin dute herrietan: itxiera salatzeko mobilizazioak, Egunero-ren harpidetzak, material salmenta….

Euskaldunon Egunkaria itxi dute, eta horren aurrean euskal idazleok mundu osoan bezala Euskal Herrian ere, errealitatearen eta egunkarietan agertzen diren berrien artean zabaldutako leize sakon eta arriskutsuaz ohartaraziz, gure hitzarekin amildegi hori ixten lagundu nahi dugu. Horretarako, zerbait esan nahi dugu EGUNKARIAren itxieraren inguruan: (more…)

Txema Auzmendi martxoaren 15ean atera zen kartzelatik, 12.000 ¤-ko bermea ordaindu ostean. Egunkaria-ko Administrazio Kontseiluko idazkariak martxoaren 16-ko Egunero egunkarian erantzun zituen galdera hauek. (more…)

Jasotako atxikimendu guztiei erantzunez, Egunkaria-ri elkartasuna adierazteko eguna antolatu zuten martxoaren 13an Kontseiluak eta Egunkaria-ko langileek. Gizarte eragileekin, alderdi politikoekin, euskalgintzako ordezkariekin eta sindikatuekin bilerak egin ostean erabaki zuten elkartasun egunera deitzea, «erantzun dinamika askotarikoa eta zabala» egiten jarraitzeko eskatu baitzuten guztiek. Bakoitzak bere alorrean eta ahal zuen moduan Egunkaria-ren itxieragatik protesta egitea zen asmoa.

Elkartasun egunarekin bat egiteko, ordubeteko lanuztera eta Bilboko Kasillan ekitaldi sozial bateratura deitu zuen gehiengo sindikalak martxoaren 13rako. ELA, LAB, ESK, EILAS, EHNE, ELB, Hiru eta EGAS sindikatuek egin zuten deia. Bai goizean deitutako lanuztea eta bai arratsaldean Bilboko Kasilla kiroldegian egin zen ekitaldia arrakastatsua izan zen erabat. Oro har, elkartasun egunari emandako erantzuna oso zabala eta askotarikoa izan zen; «Ideia eta iritzi politikoen gainetik, gizarteak bat egin du Bai euskarari eta Egunkaria aurrera esatearekin», adierazi zuten Egunkaria-ko langileek eta Kontseiluak. Gerora oso garrantzitsua izan den beste ondorio bat ere atera zuten elkartasun egunetik: «Egunkari berria lehenbailehen kalean ikus dezagun laguntzeko prest dagoela erakutsi du euskal gizarteak».

Egunkariako zuzendaritzako lau kidek Goardia Zibilaren kontra egindako salaketa “faltsuak” direla-eta Espainiako Gobernuak legezko egintzak hasiko dituela iragarri ondoren, Amnesty Internationalek deia egin die agintariei tortura salaketak arin, zorrotz eta modurik inpartzialenean iker ditzaten. (more…)

ARGIA astekariko zuzendariaren ondoko Pello Zubiria herenegun askatu zuten hamabi mila euroko bermepean eta Euskal Herrira goizaldeko ordu txikietan iritsi arren atzo DEIAren galderei erantzun zien. Kartzelatuta egon den hilabetean bere osasun egoerak kezka handia eragin du baina ez zaio animorik falta aurrera egiteko. (more…)

Guardia Zibilaren esku inkomunikaturik igaro dituen bost egun luzeetan etengabeko irain, bejazio, tortura eta tratu txar pairatu ditu Martxelo Otamendi Egunkariako zuzendariak, Eguneron otsailaren 28an argitaratutako elkarrizketa honetan dioen bezala. (more…)

Beldurra, ikara. Hori da Inma Gomilak, Egunkaria-ko gerente ohiak, Guardia Zibilaren esku igarotako bost egunetan sentitutakoa. Otsailaren 27 an argitaratu zen ondorengo elkarrizketa Egunero egunkarian. (more…)

Komisaldegian igarotako bost egunen testigantza latza eskaini zion Luis Goiak EGUNERO egunkariari otsailaren 27an. Luis Goia Egunkaria-ko Administrazio Kontseiluko kidea izan zen. Lekukotasun pausatua eta luzearen pasarte bat da hau. (more…)

Amnesty Internationalek deia egin die Espainiako agintariei ahalik eta arinen argitu dezaten zergatik eta zertan oinarrituta itxi duten Egunkaria eta atxilotu dituzten zenbait lagun. (more…)

Erakundeek, alderdiek, gizarte eragileek eta herritarrek bat egin zuten Egunkaria itxi izana salatzeko.

Bi mila eta hiruko otsailaren 20a, osteguna. Egunkaria-ren kontrako polizi operazioak iratzarri zuen Euskal Herria. Espainiako Auzitegi Nazionaleko epaile Juan del Olmok aginduta, Egunkaria itxi eta hamar lagun atxilotu zituen Guardia Zibilak. Albisteak euskal gizartea asaldatu zuen. Polizi operazioaren kontrako gaitzespena erabatekoa izan zen. (more…)

Euskararen Gizarte Erakundeen Kontseiluak hitza hartu eta manifestaziora deitu zuen biharamunerako (otsailak 22) Donostian, Egunkaria aurrera. Bai euskarari! lelopean. Donostian inoiz egin den manifestaziorik handiena izan zen. Manifestariak ez ziren inola ere sartzen ibilbidean, eta alboko kaleetan barrena manifestazio paraleloak egin behar izan zituzten Bulebarrera ailegatzeko. Manifestazioaren burua Bulebarrera heldu baino apur bat lehenago atera ziren Antiguako tuneletik azken manifestariak, buruan zihoan pankarta abiatu eta ordu eta erdira. Jarri nahi izan ziren bideak kontatzeko zenbat jende zegoen, baina ezinezkoa izan zen. Bidegabekeria salatu eta Egunkaria-ko langileei eta atxilotuen senitartekoei babes osoa emateko bertan ziren, milaka eta milaka herritarrekin batera, erakundeetako, alderdi politikoetako eta euskalgintzako ordezkari ia guztiak. Euskal Herriko eragile politiko eta sindikal gehienak, aspaldi ez bezala, bat eginda aritu ziren Egunkaria-itxi izana salatzeko unean. Euskarazko kazeta bat kalean izateko konpromisoa eskatu zien Egunkaria-k eragile eta erakunde horiei guztiei.

Erroman, 2003ko otsailaren 21ean,

Zuzendari jaun agurgarri hori:

Euskaldunon Egunkariaren itxieraren berri izanik, eta hori oinarrizko askatasun indibidualen kalterako izaki, nire elkartasuna adierazi nahi diot bai egunkari honetako zuzendariari eta baita gainerako bederatzi atxilotuei ere. Era berean, Euskal Herriari bere ahots aske eta baliotsuenetako bat itzuliko dion kasuaren irtenbide azkar bat espero dut.

Jakina da hauek ez direla bideak terrorismoa garaitzeko: askatasun indibidualak urratzea mendeku nahia sortzeko bide eraginkorrena da, eta baita indarkeria hazitzen den lurra ongarritzekoa ere, pentsarazi dezakeelako, indarkeria dela bide posible bakarra, frankismo, faxismo eta nazismopean lez.

Jaso ezazue agur bero bat

Francesco Cossiga Italiako Errepublikako Presidente emeritua

Espainiako Auzitegi Nazionaleko Juan del Olmo epaileak aginduta, Egunkaria itxi eta hamar lagun atxilotu zituen 2003ko otsailaren 20an Guardia Zibilak. Egunkaria-ren Andoaingo, Bilboko, Gasteizko eta Iruñeko egoitzak zigilatuta daude ordutik; eta diru kontuak blokatuta. (more…)